ಗುರುಚರಿತ್ರೆ ಎಂಬ ಮಹಾ ಪವಿತ್ರ ಗ್ರಂಥದ ಪರಿಚಯವನ್ನು ಮಾಡಿಕೊಳ್ಳೋಣ. ಗುರು ಚರಿತ್ರೆ ಎನ್ನುವುದು ಶ್ರೀ ದತ್ತಾತ್ರೇಯರ ಅವತಾರವಾದ ಶ್ರೀಪಾದ ಶ್ರೀವಲ್ಲಭ ಹಾಗೂ ಶ್ರೀ ನೃಸಿಂಹ ಸರಸ್ವತಿ ಸ್ವಾಮಿಗಳ ಜೀವನ ಚರಿತ್ರೆ. ಅವರು ತ್ರಿಮೂರ್ತಿ ರೂಪ ಶ್ರೀ ಗುರು ದತ್ತಾತ್ರೇಯರ ಅವತಾರ. ಈ ಗ್ರಂಥವನ್ನು ಶ್ರೀ ಸಿದ್ಧ ಮುನಿ ರಚಿಸಿದ್ದಾರೆ. ಇದರಲ್ಲಿ ಅವತಾರ, ಚಮತ್ಕಾರ, ಉಪದೇಶ, ತಪಸ್ಸು, ಮತ್ತು ಭಕ್ತರ ಉದ್ಧಾರ ಗಳಂತಹ ಕಥೆಗಳ ಮೂಲಕ ಗುರುವಿನ ತತ್ವವನ್ನು ಸಾರಲಾಗುತ್ತದೆ. ಗುರು ಚರಿತ್ರೆಯಲ್ಲಿ ಒಟ್ಟು 51 ಅಧ್ಯಾಯಗಳು ಇವೆ. ಶ್ರೀ ಗುರುಚರಿತ್ರೆಯನ್ನು ಶ್ರದ್ಧೆಯಿಂದ ಓದಿದಾಗ ಅಥವಾ ಕೇಳಿದಾಗ ಪಾಪಕ್ಷಯ, ಮಾನಸಿಕ ಶಾಂತಿ ಮತ್ತು ಕೌಟುಂಬಿಕ ಸುಖ ದೊರೆಯುತ್ತದೆ. ಇದು ಕೇವಲ ಕಥೆ ಅಲ್ಲ, ಧರ್ಮ, ಜ್ಞಾನ, ಭಕ್ತಿ, ಉಪದೇಶಗಳ ಮಹಾಗ್ರಂಥ. ಗುರುವಿನ ಅನುಗ್ರಹವಿಲ್ಲದೆ ಮೋಕ್ಷ ಸಾಧ್ಯವಿಲ್ಲ. ಗುರುಪಾದೋಪಾಸನೆಯೇ ಪರಮ ಗುರಿ. ಶ್ರೀ ಗುರುಚರಿತ್ರೆ, ಜೀವನವನ್ನು ಬದಲಿಸುವ ಶಕ್ತಿ ಹೊಂದಿರುವ ದಿವ್ಯ ಗ್ರಂಥ. ಮುಂದಿನ ವೀಡಿಯೊಗಳಲ್ಲಿ ನಾವು ಪ್ರತಿಯೊಂದು ಅಧ್ಯಾಯದ ಕಥೆಯನ್ನು ತಿಳಿದುಕೊಳ್ಳೋಣ.
